Waraka wa posho za Masaa ya Ziada, Kama sehemu ya jitihada za Serikali kuboresha mazingira ya kazi na kuleta tija kwa watumishi wa umma, serikali kupitia ofisi ya Rais, Menejimenti ya Utumishi wa Umma, imetoa mwongozo mpya kuhusu viwango vya malipo ya masaa ya ziada. Mwongozo huu ni mwendelezo wa dhamira ya serikali kuimarisha maslahi ya wafanyakazi wake, hasa wale wanaofanya kazi kwa bidii nje ya muda wa kawaida wa kazi.
MABADILIKO YA POSHO ZA MASAA YA ZIADA
Katika tangazo hili jipya, viwango vya malipo ya masaa ya ziada vimepanda kama ifuatavyo:
- Ngazi ya Chini:
- Kiwango cha awali: Sh. 15,000
- Kiwango kipya: Sh. 30,000
Watumishi wa ngazi ya chini sasa watapata malipo yaliyoboreshwa kwa kazi za masaa ya ziada.
- Ngazi ya Kati:
- Kiwango cha awali: Sh. 20,000
- Kiwango kipya: Sh. 40,000
Wale wa ngazi ya kati watafurahia ongezeko la malipo kutoka 20,000 hadi 40,000, ikiwa ni juhudi za serikali kuzingatia mchango wao mkubwa katika utekelezaji wa majukumu.
- Ngazi ya Juu:
- Kiwango cha awali: Sh. 30,000
- Kiwango kipya: Sh. 60,000
Kwa watumishi wa ngazi ya juu, malipo ya masaa ya ziada yamepanda maradufu kutoka 30,000 hadi 60,000.
UTEKELEZAJI NA MUDA WA KUANZA
Mabadiliko haya ya malipo ya masaa ya ziada yataanza rasmi Julai mosi, 2022. Watumishi wa umma watakaofanya kazi zaidi ya muda wa kawaida wanatakiwa kupatiwa malipo kulingana na viwango hivi vipya.
UMUHIMU WA KUBORESHA MASLAHI YA WATUMISHI WA UMMA
Hatua hii inalenga kuongeza ari ya kazi na uwajibikaji kwa watumishi wa umma ambao mara nyingi wamekuwa wakifanya kazi nje ya muda wa kawaida kwa lengo la kukamilisha majukumu muhimu. Serikali inatambua juhudi za wafanyakazi wake na kwa kuzingatia gharama za maisha na hali ya kiuchumi, imeamua kuboresha malipo haya ili kuleta motisha zaidi.
Tunawaomba waajiri wote kuhakikisha kuwa waraka huu unafikishwa kwa watumishi wote na utekelezaji wake unafanyika kwa usahihi. Serikali itaendelea kushirikiana na wadau mbalimbali ili kuhakikisha maslahi ya watumishi wa umma yanaboreshwa na yanazingatia hali halisi ya kiuchumi.
Imetolewa na: Ofisi ya Rais, Menejimenti ya Utumishi wa Umma
Tarehe: 27 Juni, 2022
Mahali: Dodoma, Tanzania
Mapendekezo:
Kwanini Utumishi wanachelewa kuita watu kazini?
Kwa nini Utumishi wanatumia muda mrefu kuita watu kazini? Sababu zote
Mwajiriwa yoyote mwenye swali kuhusu waraka huu anashauriwa kuwasiliana na idara ya utawala katika taasisi yake kwa maelekezo zaidi.
