Halmashauri ya Wilaya ya Mufindi inapenda kuwakaribisha Watanzania wenye sifa na nia ya kufanya kazi katika Halmashauri ya Wilaya ya Mufindi kuomba nafasi za kazi zilizotangazwa. Hii ni fursa adimu kwa wale wanaotafuta ajira serikalini na wanaotaka kuchangia maendeleo ya jamii.
Nafasi Zinazotangazwa
Msaidizi wa Kumbukumbu Daraja la II (Nafasi 5)
-
- Kazi na Majukumu:
- Kuorodhesha barua zinazoingia masjala kwenye rejista.
- Kuorodhesha barua zinazotoka nje ya Taasisi.
- Kusambaza majalada kwa watendaji.
- Kupokea majalada yanayorudi masjala kutoka kwa watendaji.
- Kutafuta kumbukumbu/nyaraka/majalada yanayohitajika na watendaji.
- Kurudisha majalada kwenye shubaka/kabati la majalada.
- Kufuatilia mzunguko wa majalada ndani ya Taasisi.
- Kufanya kazi nyingine atakazopangiwa na Mwajiri au Mkuu wake wa kazi.
- Sifa za Kuajiriwa:
- Wahitimu wa kidato cha nne au sita wenye Stashahada au NTA Level 6 katika fani ya Utunzaji kumbukumbu kutoka vyuo vinavyotambuliwa na Serikali na wenye ujuzi wa kompyuta.
- Ngazi ya Mshahara:
- TGS C
- Kazi na Majukumu:
Mtendaji wa Kijiji Daraja la III (Nafasi 13)
-
- Kazi na Majukumu:
- Afisa Masuuli na Mtendaji Mkuu wa Serikali ya Kijiji.
- Kusimamia ulinzi na usalama wa raia na mali zao, kuwa mlinzi wa Amani na msimamizi wa Utawala Bora katika kijiji.
- Kuratibu na kusimamia upangaji wa utekelezaji wa mipango ya maendeleo ya Kijiji.
- Katibu wa Mikutano na Kamati zote za Halmashauri ya Kijiji.
- Kutafsiri na kusimamia sera, sheria na taratibu.
- Kuandaa taarifa za utekelezaji wa kazi katika eneo lake na kuhamasisha wananchi katika kuandaa na kutekeleza mikakati ya kuondoa njaa, umaskini na kuongeza uzalishaji mali.
- Kiongozi wa wakuu wa vitengo vya kitaalam katika Kijiji.
- Kusimamia, kukusanya na kuhifadhi kumbukumbu zote na nyaraka za Kijiji.
- Mwenyekiti wa kikao cha Wataalam waliopo katika Kijiji.
- Kupokea, kusikiliza na kutatua malalamiko na migogoro ya wananchi.
- Kusimamia utungaji wa sheria ndogo za Kijiji.
- Atawajibika kwa Mtendaji wa Kata.
- Sifa za Kuajiriwa:
- Wahitimu wa kidato cha nne au sita wenye Astashahada katika fani za Sheria, Elimu ya Jamii, Usimamizi wa Fedha, Maendeleo ya Jamii na Sayansi ya Sanaa kutoka Chuo cha Serikali za Mitaa au Chuo kinachotambuliwa na Serikali.
- Ngazi ya Mshahara:
- TGS B
- Kazi na Majukumu:
Masharti Ya Jumla
- Waombaji wawe ni raia wa Tanzania na wenye umri usiozidi miaka 45 isipokuwa kwa wale walioko kazini Serikalini.
- Waombaji wenye ulemavu wanahamasishwa kutuma maombi na wanapaswa kuainisha ulemavu wao.
- Waombaji waambatishe cheti cha kuzaliwa kilichothibitishwa.
- Waombaji ambao tayari ni watumishi wa Umma wapitishe maombi yao kwa waajiri wao.
- Waombaji waambatishe maelezo binafsi (CV) yenye anwani na namba za simu za kuaminika pamoja na majina ya wadhamini watatu.
- Maombi yote yaambatane na vyeti vya taaluma vilivyothibitishwa na Mwanasheria/Wakili.
- “Testimonials, Provisional results, Statement of results” havitakubaliwa.
- Waombaji waliosoma nje ya Nchi wahakikishe vyeti vyao vimethibitishwa na Mamlaka husika.
- Waombaji waliostaafishwa katika Utumishi wa Umma hawaruhusiwi kuomba isipokuwa kama wanakibali cha Katibu Mkuu Kiongozi.
- Waombaji waajiriwa katika nafasi za kuingilia wasiombe.
- Uwasilishaji wa taarifa na sifa za kughushi watachukuliwa hatua za kisheria.
- Mwisho wa kutuma maombi ni tarehe 04/08/2024.
- Maombi yaambatane na barua ya maombi iliyosainiwa pamoja na vyeti vya Elimu, anuani ya barua hiyo ielekezwe kwa:
Mkurugenzi Mtendaji, Halmashauri ya Wilaya ya Mufindi, S.L.P 223, MAFINGA.
Maombi yatumwe kwenye mfumo wa kielektroniki wa Ajira (Recruitment Portal) kupitia http://portal.ajira.go.tz.
Hitimisho
Hii ni nafasi muhimu kwa Watanzania wenye sifa na nia ya kutumikia nchi kupitia ajira serikalini. Fuateni maelekezo yote yaliyoainishwa ili kuwa na nafasi nzuri ya kupata ajira hizi. Tafadhali wasilisha maombi yako kwa wakati na kwa usahihi.
Soma Zaidi:
