Mikopo ya halmashauri kwa Vijana 2024, Mikopo ya asilimia 10 kwa vijana, wanawake, na watu wenye ulemavu nchini Tanzania itaanza kutolewa tena kuanzia Julai 1, 2024.
Uamuzi huu ulitangazwa na Waziri wa TAMISEMI, Mohamed Mchengerwa, bungeni tarehe 16 Aprili 2024, baada ya kusitishwa kwa mikopo hiyo mwezi Aprili 2023 ili kuboresha mfumo wa utoaji.
Maelezo Muhimu
- Fedha za Mikopo: Serikali imetenga jumla ya shilingi bilioni 227.96 kwa ajili ya mikopo hii, ambapo shilingi bilioni 63.67 ni fedha za marejesho kutoka mikopo iliyotolewa awali, shilingi bilioni 63.24 ni fedha zilizokuwa zinatengwa kwa ajili ya mikopo, na shilingi bilioni 101.05 zitatengwa kutokana na makisio ya mapato ya ndani kwa mwaka wa fedha 2024/25.
- Halmashauri za Mjaribio: Utoaji wa mikopo utaanza katika halmashauri kumi za majaribio, ambazo ni:
- Halmashauri za Majiji ya Dar es Salaam na Dodoma
- Manispaa za Kigoma Ujiji na Songea
- Halmashauri za Miji ya Newala na Mbulu
- Wilaya za Siha, Nkasi, Itilima, na Bumbuli.
Mfumo Mpya wa Utoaji Mikopo
Utaratibu mpya utajumuisha:
- Kitengo cha Usimamizi: Kuanzishwa kwa kitengo cha usimamizi wa utoaji mikopo katika ofisi ya Rais-TAMISEMI.
- Kamati za Usimamizi: Kamati zitaundwa katika ngazi za ofisi za wakuu wa mikoa, halmashauri, na kata ili kutambua waombaji na kuthibitisha vikundi vya mikopo.
- Wezesha Portal: Mfumo mpya unaitwa Wezesha Portal utatumika katika usajili wa vikundi na kutoa mikopo.
Vigezo vya Mikopo
Vikundi vinavyotaka kukopa lazima vikutane na vigezo vifuatavyo:
- Kuwa na wanachama angalau watano.
- Kuwa na akaunti ya benki iliyoandikishwa kwa jina la kikundi.
- Wanakikundi lazima wawe raia wa Tanzania wenye umri kati ya miaka 18 hadi 35.
- Vikundi vinapaswa kuwa na barua kutoka kwa mtendaji wa kijiji au mtaa ikithibitisha usajili wao.
Kwa hivyo, vijana, wanawake, na watu wenye ulemavu wanahimizwa kujiandaa ili kufaidika na fursa hii mpya ya mikopo ambayo itasaidia katika kuanzisha na kuboresha shughuli zao za uzalishaji.
Mapendekezo:
