Mambo ya Muhimu kabla hujatuma application (Maombi ya kazi), Katika harakati za kutafuta ajira, ni muhimu sana kuelewa jinsi ya kujiweka kwenye nafasi ya kupata nafasi za kazi kwa haraka zaidi, hasa kwa kuzingatia maendeleo ya teknolojia ya kisasa.
Kuna mambo kadhaa ya kuzingatia unapowasilisha maombi ya kazi ili kujiweka kwenye nafasi nzuri mbele ya waajiri. Hebu tuangalie vipengele muhimu:
1. ATS-CV (Applicant Tracking System)
Mfumo wa ATS unatumika sana na waajiri ili kuchakata na kudhibiti CV nyingi zinazowasili. Mfumo huu hutafuta maneno maalum (keywords) yanayohusiana na nafasi ya kazi unayoomba. Ili CV yako ipite kwenye mfumo huu na uweze kufika hatua ya usaili, hakikisha unafuata haya:
- Tumia ATS-friendly CV: Hakikisha CV yako ina mpangilio unaoweza kusomwa kirahisi na mfumo wa ATS.
- Sasisha CV yako kila wakati: Kila nafasi ya kazi ina mahitaji tofauti. Badilisha na ongeza maneno sahihi kulingana na tangazo la kazi husika.
- Ubora wa maudhui: Jenga CV yako kwa maudhui yanayoakisi uwezo wako na kuficha udhaifu. Hii itakupa nafasi ya kuvutia waajiri.
2. Barua ya Maombi (Cover Letter)
- Usijaribu kunakili na kupaste barua za maombi za zamani: Waajiri wanaweza kugundua haraka ikiwa barua yako haina uhusiano na kazi unayoomba.
- Andika barua yenye uhalisia: Hakikisha unajielezea vizuri kwa kuoanisha nafasi ya kazi unayoomba na sifa zako zilizopo kwenye CV yako.
- Badilisha barua yako kwa kila maombi ya kazi: Nafasi za kazi ni tofauti, hivyo barua yako lazima iwe maalum kwa kazi unayoomba.
3. Email na Barua ya Maombi
- Uwasilishaji wa maombi kwa barua pepe ni fursa yako ya kwanza kujitangaza kwa mwajiri. Usitumie fursa hii vibaya kwa kutuma email isiyo na maelezo.
- Andika kitu kwenye mwili wa email: Usitumie tu viambatanisho bila maandishi kwenye email. Mwajiri atataka kuona jinsi unavyoweza kujieleza kwa maandishi.
4. Viambatanisho / Nyaraka (Documentation)
- Tumia majina sahihi kwa viambatanisho vyako: Hakikisha majina ya nyaraka zako yanajieleza kwa usahihi na kitaalam.
- Usiunganishe nyaraka zako zote kwenye faili moja kama haijaelekezwa hivyo kwenye tangazo la kazi.
- Scan nyaraka zako kwa ubora wa hali ya juu: Hakikisha zinaonekana vizuri na ni rahisi kusomeka.
Kama utafuata maelekezo haya kwa umakini, hasa kuhakikisha CV yako imezingatia mfumo wa ATS, barua yako ya maombi imeandikwa kitaalam, na viambatanisho vyako ni sahihi, una nafasi nzuri sana ya kupata usaili na hatimaye kazi kwa haraka. Kumbuka kuwa na nidhamu na ufuate maelezo kwa umakini kwenye kila ombi la kazi unalotuma.
Mapendekezo:
Hizi Hapa Nyaraka muhimu kwa Maombi ya Kazi; Barua, CV /Resume na Rejea
Mfano wa barua ya maombi ya kazi barrick Gold Na Corporation
