Jinsi Ya Kubadili Umiliki Wa Gari Na Gharama Zake

Jinsi Ya Kubadili Umiliki Wa Gari Na Gharama Zake au Bei, Unataka kubadili umiliki wa gari? Hebu tuangalie taratibu zote muhimu kwa haraka, ili kuepuka usumbufu na kuhakikisha unafuata utaratibu mpya wa TRA. Gharama ni TZS 185,000, ikiwa ni pamoja na gharama za kadi, transfer, na stamp duty.

Gharama Zilizoainishwa:

• Kadi na Transfer: TZS 100,000
• Stamp Duty: 1% ya bei ya mauzo, kwa mfano wa TZS 85,000
• Gharama ya Wakili kwa Risiti ya EFD: Takriban TZS 20,000

Hatua Muhimu za Kubadili Umiliki

Zifuatazo ni hatua muhimu ambazo lazima ufuate ili kubadili umiliki wa gari bila matatizo:

1. Mkataba wa Mauziano
   Ni lazima kuwe na mkataba wa mauziano uliothibitishwa na mwanasheria. Acha kabisa kutumia mikataba isiyo rasmi inayosainiwa kienyeji.
2. Kiapo cha Kukiri Umiliki
   Muuzaji anatakiwa kutoa kiapo maalum kinachothibitisha umiliki wa gari. Hiki kiapo kinapaswa kuandaliwa na mwanasheria.
3. Picha na Kitambulisho cha Pande Zote
   Picha za pasipoti na kitambulisho (leseni ya udereva au NIDA) cha muuzaji na mnunuaji lazima viwasilishwe.
4. Ukaguzi wa Gari na Ripoti
   Gari lazima likaguliwe na mtaalamu wa ukaguzi wa vyombo vya moto kutoka TRA au idara husika ya trafiki ili kuhakikisha gari lipo katika hali nzuri.
5. Kadi ya Gari yenye Jina la Muuzaji
   Kadi halisi ya gari yenye jina la muuzaji inahitajika ili kukamilisha mchakato wa kuhamisha umiliki.

Maswali ya Mara kwa Mara (FAQs)

1. Swali: Chombo cha moto ni nini?
   Jibu: Ni vyombo vinavyotumika kwa usafirishaji ardhini, kama magari, pikipiki, na bajaji.
2. Swali: Nifanye nini nikitaka kununua gari kutoka kwa mtu mwingine?
   Jibu: Tembelea ofisi za TRA ukiwa na picha ya pasipoti ya muuzaji, ripoti ya ukaguzi kutoka kwa trafiki, barua ya mauzo ya muuzaji, picha yako ya pasipoti, kadi halisi ya gari, hati ya kiapo ya muuzaji, na mkataba uliothibitishwa na mwanasheria.
3. Swali: Je, naweza kumwakilisha mtu kwenye uhamisho wa umiliki wa gari?
   Jibu: Ndiyo, lakini mwakilishi anapaswa kuwasilisha idhini maalum ya kisheria (Power of Attorney). Kwa mtu binafsi, mhusika mwenyewe lazima awepo.
4. Swali: Gharama ya kuhamisha umiliki wa gari ni ngapi?
   Jibu: Gharama ni TZS 50,000 kwa ada ya uhamisho na TZS 50,000 kwa nakala ya kadi, pamoja na ushuru wa stempu wa 1% ya thamani ya gari.
5. Swali: Je, ni gharama gani kuhamisha umiliki wa bajaji?
   Jibu: Gharama ni TZS 27,000 kwa uhamisho na TZS 30,000 kwa nakala ya kadi, jumla ikiwa TZS 57,000.
6. Swali: Gharama ya kuhamisha umiliki wa pikipiki ni ngapi?
   Jibu: Gharama ya uhamisho ni TZS 27,000 na ada ya nakala ya kadi ni TZS 20,000, jumla ni TZS 47,000.
7. Swali: Kuna ulazima wa kubadili taarifa za umiliki TRA?
   Jibu: Ndiyo, ni muhimu sana kubadili taarifa za umiliki TRA ili kuhakikisha umiliki unahamishwa rasmi. Kushindwa kufanya hivyo kunaweza kusababisha matatizo ya kisheria.
8. Swali: Athari za kutobadili umiliki ni zipi?
   Jibu: Athari kubwa ni:
   • Mmiliki wa awali anaweza kuwajibishwa endapo gari litatumika kwenye uhalifu.
   • Mmiliki mpya atakosa malipo ya fidia kutoka kwa bima.
   • Mmiliki mpya hatoweza kutumia gari kama dhamana ya kukopa.
   • Mmiliki wa awali anaweza kuwajibika endapo gari litakopeshwa na mmiliki mpya.

Mapendekezo:

• Jinsi ya Kuangalia Deni la Gari Kwa Simu
• Magari Used Na Bei Zake (Aina Za Magari)
• Wauzaji wa magari Used Tanzania

Kubadili umiliki wa gari si kazi ngumu endapo unafuata taratibu na sheria. Hakikisha unakamilisha hatua zote muhimu, ukishirikiana na mwanasheria, TRA, na wakaguzi wa magari ili kuhakikisha mchakato unakamilika kwa ufanisi.