Aziz Ki Tuzo ya Mchezaji Bora Ligi Kuu NBC (MVP) 2023/24, Stephane Aziz Ki, kiungo mshambuliaji wa Yanga SC, ametangazwa kuwa Mchezaji Bora wa Ligi Kuu NBC kwa msimu wa 2023/24. Aziz Ki ameonyesha kiwango cha hali ya juu, akiwavutia mashabiki na wachambuzi wa soka kwa uwezo wake mkubwa na mchango muhimu kwa mafanikio ya Yanga SC.
Kiwango cha Juu na Mchango Mkubwa
Aziz Ki amekuwa kipenzi cha mashabiki kutokana na uchezaji wake wa kiufundi na ufanisi mkubwa. Katika kinyang’anyiro cha tuzo hii, amewashinda wachezaji wengine waliokuwa wakipewa nafasi kubwa kama Feisal Salum wa Azam FC, Kipre Junior wa Azam FC, Djigui Diarra wa Yanga SC, Lay Matampi wa Coastal Union, Ibrahim Bacca wa Yanga SC, Kouassi Yao wa Yanga SC, na Mohamed Hussein wa Simba SC.
Aziz Ki: Mchezaji Tegemeo
Ushindi huu unathibitisha umuhimu wa Aziz Ki katika kikosi cha Yanga SC. Ameonesha uwezo wa juu na ameweza kucheza katika nafasi mbalimbali za kiungo, hivyo kumfanya kuwa mchezaji tegemeo na mwenye mchango mkubwa uwanjani. Kiwango chake kimekuwa muhimu sana katika kusaidia Yanga SC kufikia malengo yao msimu huu.
Tuzo Nyingine za Aziz Ki
Mbali na kuwa Mchezaji Bora wa Ligi Kuu, Aziz Ki pia ametwaa tuzo ya Kiungo Bora wa Msimu. Amefanikiwa kuwashinda wachezaji wenzake kama Feisal Salum na Kipre Junior wote wa Azam FC. Pia, Aziz Ki ameshinda tuzo ya Mfungaji Bora wa NBC kwa msimu wa 2023/24. Alipokea tuzo hii baada ya kufunga magoli 21 na kutoa assist 8, akimshinda Feisal Salum aliyefunga magoli 19.
Hongera Aziz Ki
Aziz Ki ameonesha kiwango bora na juhudi kubwa, akionekana kuwa mchezaji wa kipekee na wa thamani kwa Yanga SC. Ushindi huu ni kielelezo cha kazi nzuri na bidii aliyoweka msimu huu. Hongera sana, Aziz Ki, kwa mafanikio haya makubwa!
Soma Zaidi:
